كشف الفنان علي البيلي، عن طموحه في التمثيل وعالم الإخراج، لافتًا: لما أوصل لسن الـ 15 سنة، هسافر أوروبا وأمريكا عشان ادرس الإخراج بشكل محترف، لأنى بحبه جدا ودلوقتى بصنع أفلام مع صحابي باستخدام التليفون أنا اللى بصور وبعمل كل المراحل وأصحابي هما اللي بيمثلوا، ودا حببنى في الإخراج وممكن لما أكبر اجمع بين الإخراج والتمثيل ".
وأضاف "علي"، في تصريحات خاصة لتليفزيون اليوم السابع:" بدايتى كانت من على مسرح المدرسة، واللى اكتشفت موهبتى مدرسة الإنجليزي بتاعتى ووقتها بدأت أقدم عروض ومكنتش بخاف أو اتكسف ودا اللى شجعنى وخلانى ابدأ رحلتى في تجارب الأداء وورش التمثيل".
كما كشف الفنان علي البيلي، عن نجمه المفضل ومثله الأعلى في التمثيل، قائلاً: منى زكي هي مثلي الأعلى في التمثيل نفسي لما أكبر ابقى زيها، هي بس مجرد ما بتظهر بحس أن ليها كاريزما على الشاشة جاذبية وهالة استثنائية، وبحس إن تمثيلها ولا غلطة فحقيقي نفسي امثل معاها وابقي زيها".
يذكر أن الفنان علي البيلي، شارك في الدورة الثالثة عشرة من مهرجان الشارقة لسينما الأطفال والشباب، وتم تكريمه على أعماله الفنية فضلا عن انضمامه لفريق لجنة المحكمين الواعدين "فئة أفلام من صنع الأطفال والناشئة".
