"دعوت إلى عيد جديد في بلادي.. وهو عيد الحب".. بهذه الكلمات البسيطة والعميقة، أطلق الكاتب الصحفي مصطفى أمين دعوته التاريخية عام 1974 عبر عموده الشهير "فكرة" في جريدة "أخبار اليوم". لم تكن تلك الدعوة مجرد فكرة عابرة، بل تحولت سريعاً إلى تقليد سنوي ثابت يوافق 4 نوفمبر من كل عام، ليصبح معروفاً بـ عيد الحب المصري.
ورغم أن الكاتب الراحل لم يوضح في كتابه "الـ 200 فكرة" سر اختياره لهذا التاريخ تحديداً، إلا أنه حدد بوضوح الهدف الأسمى من هذا اليوم؛ وهو إحياء الحب بمعناه الشامل والواسع، متجاوزاً حدود العاطفة بين العاشقين ليشمل الزوجات، الأبناء، الأصدقاء، الجيران، وحتى حب الوطن والناس أجمعين.
وربما لا يمكننا في عيد الحب المصري تقديم هدية للجميع ولكن يظل بإمكاننا دائمًا تذكيرهم بمكانتهم لدينا من خلال رسائل صادقة من القلب تجدد الود والتواصل:
رسائل بمناسبة عيد الحب المصري للمحبين والأزواج
كل سنة وأنت أحلى حاجة حصلت لي في دنيتي، في عيد الحب ده عايز أقولك إنك فعلاً عوض ربنا ليا.
الحب مش محتاج يوم عشان نحتفل بيه، بس دي فرصة أقولك إن أيامي كلها معاك عيد.
لرفيق دربي وسندي، كل عيد حب وأنت ضهري ومصدر أماني اللي ماليش غيره.
وجودك محلي الأيام ومخلي العتمة نور، ربنا يخليك ليا وكل سنة وإحنا مع بعض.
كل عيد حب وأنت البداية الحلوة لكل يوم في حياتي، بحبك من غير مناسبات.
رسائل بمناسبة عيد الحب المصري للوالدين
بابا وماما.. أنتم المعنى الحقيقي للحب اللي من غير شروط، ربنا يديمكم نعمة في حياتي.
في عيد الحب المصري، مفيش حب ييجي ربع حبكم لينا، ربنا يخليكم وتفضلوا منورين دنيتنا.
مفيش أمان في الدنيا دي ييجي حاجة قدام حنية قلوبكم علينا، كل عيد حب وأنتم تاج فوق راسنا.
أنتم اللي علمتونا يعني إيه حب وتضحية بجد، ربنا يقدرنا ونردلكم لو جزء بسيط من جمايلكم.
يا أغلى الناس، حبكم هو اللي ساندني في الدنيا دي، كل عيد حب وأنتو ماليين علينا البيت بالخير.
رسائل بمناسبة عيد الحب المصري للعائلة والأبناء
عيلتي الجميلة اللي باخد منها قوتي، كل سنة وإحنا متجمعين على الحب والخير ومفيش حاجة تفرقنا.
ولادي حبايبي، أنتم أحلى هدية من ربنا وثمرة حبنا، يا رب أيامكم كلها تبقى أعياد وفرحة.
في عيد الحب المصري بحتفل بيكم أنتم، لأنكم السند والضهر والوطن الصغير بتاعي، ربنا يخليكم ليا.
دوشتكم في البيت دي أحلى حاجة في حياتي، كل عيد حب وأنتو ماليين عليا دنيتي.
لكل واحد في عيلتي، أنتم الدفا الحقيقي في عز البرد، كل سنة وإحنا لبعض سند.
رسائل بمناسبة عيد الحب المصري للأصدقاء
للصحاب اللي بجد، اللي واقفين معايا في المُرة قبل الحلوة، كل عيد حب وأنتم أجدع صحاب في الدنيا.
الصاحب الجدع هو الوجه التاني للحب، كل سنة وأنتم أقرب الناس لقلبي وروحي.
لجيراني الطيبين والعشرة الحلوة، كل عيد حب وإحنا متجمعين في الخير ومحبة بجد.
للناس السالكة والوشوش البشوشة في حياتي، كل عيد حب وأيامكم كلها رضا وسعادة.
الصداقة هي الوجه الآخر للحب، كل عام وأنتم الأقرب للقلب والروح.
